Back HSV Barmbek-Uhlenhorst German HSV Barmbek-Uhlenhorst English HSV Barmbek-Uhlenhorst French HSV Barmbek-Uhlenhorst Dutch HSV Barmbek-Uhlenhorst Polish HSV Barmbek-Uhlenhorst Portuguese
 | |
| Volledige naam | Hamburger Sportverein Barmbek- Uhlenhorst von 1923 e.V. |
| Stigtingsdatum | 15 November 1923 |
| Tuisveld | Wilhelm-Rupprecht-Platz , Hamburg |
| Kapasiteit | 6 000 |
| Kompetisie | Oberliga Hamburg |
HSV Barmbek-Uhlenhorst is 'n sportklub uit die stadstaat Hamburg in Duitsland, veral bekend vir sy sokkerafdeling. Benewens sokker het die klub ook afdelings vir handbal, tafeltennis en gimnastiek.
Die klub beskou sy stigtingsdatum as 15 November 1923, toe die sokkerafdeling van Hamburger Turnerschaft Barmbeck-Uhlenhorst 1876 onafhanklik geraak het as Hamburger Sportverein Barmbeck-Uhlenhorst. Die moederklub het op 10 Julie 1909 ontstaan met die samesmelting van Barmbeck-Uhlenhorst Turnverein 1876, Männer Turnverein 1888 Barmbeck-Uhlenhorst en Barmbecker Turnverein 1902.
Gedurende die Tweede Wêreldoorlog het baie Duitse klubs tydelik saamgesmelt weens die verlies van spelers aan militêre diens en gedurende die 1943/44-seisoen het die klub saam met Post SG Hamburg gespeel as Kriegspielgemeinschaft Post/BU Hamburg. Op 23 Junie 1944 het HSV en Post aangesluit by FC St. Georg Hamburg en Sperber Hamburg om vir 'n enkele seisoen as KSG Alsterdorf in die eersteliga Gauliga Hamburg mee te ding. Na die oorlog het die oorspronklike HSV as Hamburger Sportverein Barmbek-Uhlenhorst begin speel. In 1949 is Fußball Club Rot-Weiß Hamburg 1923 by die klub ingelyf.
Die klub se grootste prestasie was om in die 1960’s 'n paar seisoene in die tweedevlak Regionalliga Noord deur te bring, asook in die eerste seisoen van die 2. Bundesliga in 1974.